36. 🔴තේ කොප්පෙන් අපායට. 🔴(සද්ධාසීල හිමියන්ට පිළිතුරු 2.)
======================
“අවසරයි හාමුදුරුවනේ...“ ඇය ඉතා උද්යෝගයෙන් පසුවේ.🙏

“ඊයේ මම කියලා දුන්නානේ අක්කාට, ඇයි එවැනි දේශනයක් කළේ කියලා, අර හුරතල් සිටුදියණියන්ට...“ මම කීවෙමි.
(කලින් ලිපිය කියෙව්වේ නැති නම් පහල Link එකෙන් ගොස් කියවා එන්න. මෙහි මුල් කොටස එහි ඇත.)✅
https://www.facebook.com/permalink.php?story_fbid=211043516938290&id=117046089671367&__tn__=K-R

“එහෙමයි... ඒ සිටු තාත්තා, තමන්ගේ දුවලා ගැන කොච්චර හිතනවාද කියනවානම්, අප තථාගතයන් වහන්සේ වැනි කෙනෙක්නේ වඩම්මන්නේ තමන්ගේ දුවලාට අවවාදයක් දෙන්න. තාත්තලා එහෙම තමයි හාමුදුරුවනේ, දුවලාට හරි ආදරෙයි.“ ඇය කීවාය.🙂

“ ඉන්දියාවේ ඒකාලේ නැන්දම්මාගේ ගෙදර තියෙන situation එක ඒ සිටු තාත්තා දන්නවානේ... එතකොට හුරතලේට හැදිච්ච නිසා තාත්තා කියන දේවල් අහන්නෙත් නැතුව ඇති. පවුලේ සැමගේ ශාස්තෘ වේචිචි තථාගතයන් වහන්සේ කීවොත් දුවලා පිලිගනීවි කියලා දුග්ගහ සිටුවරයා හිතන්නැති.“ මම කීවෙමි.🙂

“එහෙමයි හාමුදුරුවනේ... background එක පැහැදිලි... මොනව ද ඉතිං ඒ තියෙන කරුණු.“ ඇය ඇසුවාය.🙂

“දැන් මේ පොඩි කෙල්ලන්ට අද කාලේ වාගේම ගැටලුවක් ඇති. අනික ඉතිං අවුරුදු 16ක් වාගේනේ...
“ඇයි තාත්ති ඔයා අපි ගෙදරින් එලවන්න හදන්නේ. අපිව ඔයාට බරක් ද“ වාගේ දෙවල් අහන්නැති. මේක තථාගතයන් වහන්සේ තේරූම් ගත්ත නිසා තමයි දේශනාව ආරම්භ කරනනේ මෙහෙම...“🙂

“දරුවනි, ඔබලාගේ දෙමාපියො ඔබලාට සැමියෙක් දක්වන්නේ, ඔබලා ගැන තියෙන අනුකම්පාවෙන්, ඒ වාගේම ඔයාලට ආදරයෙන්, හිතවත් කම නිසාවෙන්“ කියලා හිත හදනවා...
මොකද අවවාද අහන්න නම් ඉස්සරවෙලා මේ කෙල්ලො ටික කසාද බදින්නේ ඇයි කියලා දැනගෙන ඉන්න එපැයි...“ මම කීවෙමි.☺️

“එතකොට අර වැලිමඩ හාමුදුරුවො කියන්නේ පැනලා යන්න බැ කියලා, දෙමාපිය කැමැත්තෙන් කරන්න ඕනි එකක් කියලා..“ ඇය ඇසුවාය.

“ඒක වැරදි. ඒ හාමුදුරුවො කියන්නේ පොදු සම්මත කතාව. දෙමාපියො කැමැත්ත ඇතිව බදින්න ඕනි කියලා. හැබැයි සූත්‍රයේ එහෙම එකක් නැ. ඒක බොරු.“😅

“තාත්තා ප්‍රශ්නේ ඇහුවේ. දූලාට උත්තරේ හම්බෙන්නේ කියලා.. ඒ හාමුදුරුවො කියන්නේ...“ ඇය කීවාය.😅

“නෑ එහෙම එකක් නැ. ඒ හාමුදුරුවො වැරදි අවබෝධයක ඉන්නේ. මම ඊයේ කිවේ (35 වෙනි ලිපියේ) තාත්තා බුදුන්වහන්සේගෙන් කරන්නේ ඉල්ලීමක්. ඒක තාත්තාම කියනවා අවවාදයක් දෙන්න කියලා. ඒක දූලත් දන්නවා.“☺️

“පාලි භාෂාව, classical language එකක්. ලතින් වාගෙ. ඔනි ඕනි විදිහට ඒවාට අර්ථකතන දෙන්න බැ අක්කෙ. යම් වචනයට අර්ථකථනය දෙන්න කලින් අටුවාවත් බලන්න ඕනි. එංගලන්ත මුද්‍රණය (PTS) පවා තියෙන්නේ අපේ සිංහල අටුවාව. ඒක නොබලා බණ කීවාම ඔහොම වෙනවා. ඒ නිසා ඒක හරියට පාවිච්චි කරන්න ඕනි. අපි අවුරුදු 15ක් පාලි ඉගෙන ගත්තු අය. ඒ නිසා ඔයාට මම කියන අදහස එක්ක සූත්‍රය සන්සන්දනය කරන්න පුළුවන්“ ✅
“ඒවාගේම පාලි කියන්නේ දුප්පත් මිනිස්සුන්ගේ භාෂාව, සංස්කෘත පෝසත් මිනිසුන්ගෙ, කුලයෙන් ඉහල අයගේ භාෂාව. ඉතිං පාලියට අඩුම ගානේ අක්ෂර මාලාවක්වත් නැ. ව්‍යාකරණත් නැ. අදටත් පාලියට තමන්ගේ කියලා අක්ෂර වර්ගයක් නැ. ව්‍යාකරන හැදුවේ සංස්කෘත හා ත්‍රිපිටකය දිහා බලාගෙන. පසුව තමයි එව්වා ඔක්කම හැදුනේ, එත් බුදුහාමුදුරුවො තෝරාගත්තේ දුප්පත් මිනිසුන්ගේ භාෂාව බණ කියන්න. ඉතිං ඕනි ඕනි විදිහට අර්ථ කියන්න බැ ඒවාට, අටුවාවෙන් තොරව... මොකද සංකීර්ණයි. ඉතිං හිතාගත්තෑකි නේද ඉස්සර ඉන්දියාවේ ගෑනුන්ගේ තත්ත්වය, බුදුන්ගේ භාෂාව මෙහෙම නම්.“✅

“ඒ වැලිමඩ හාමුදුරුවන්ට බණින ගෑනු ඔව්වා දන්නෑ හාමුදුරුවනේ.“ ඇය කීවාය 😥

“ ඒක නිසා පැනලා යන්න එපා කියලා ඒකේ නැ. ඒ අර්ථයෙන් නෙවෙයි සූත්‍රයේ ඒක තියෙන්නේ. ඒක ඒ හාමුදුරුවන්ගේ පෞද්ගලික මතය.“ මම කීවෙමි.

“එහෙමයි...“ 🤐

“තස්මා තිහ කුමාරියො එවං සික්ඛිතබ්බං“ ඒ නිසා කුමාරිකාවනි, මෙසේ හික්මිය යුතුය. ඉතිං මෙහෙම කළයුතුය. කරන එක නොකරන එක එයාලගේ වැඩක්.
බුදු හාමුදුරුවො මේ විස්තර කරලා දෙන්නේ අවුරුදු 16 කෙල්ලන්ට එදා ඉන්දියාවේ තිබ්බ තත්ත්වය. ඒ චාරිත්‍ර. නැතුව බුදුන්වහන්සේගේ අදහස් නෙවෙයිනේ. උන් වහන්සේ අන්තිම කරුණු ටිකක අලුත් feminists අදහස් ටිකක් දානවා. එත් බුදුන් වහන්සේට උනත් ඉන්දියාවේ සමස්ථ සංස්කෘතිය වෙනස් කරන්න බෑනේ.“☺️

“ ඒ වුනාට හාමුදුරුවනේ බුදුන් වහන්සේ නේද කාන්තාවට විමුක්තිය දුන්නු කෙනා.“ ඇය කීවාය.🙄

“ඒකත් පොඩි විකාරයක්නේ අක්කේ.
බුදුන් වහන්සේව විද්‍යාඥයෙක් කරනවා, දාර්ශනිකයෙක් කරනවා, දොස්තර කෙනෙක් කරනවා, කාන්තා විමුක්තිවාදියෙක් කරනවා., දේශපාලන දර්ශනයක් දේසනා කරපු කෙනෙක්, අර්ථික දර්ශනයක් දේශනාකරපු කෙනෙක්, මනො උපදේශකයෙක් කරනවා. ඔව්වා ඔක්කම විකාර...“😅

“එතකොට... බුදු හාමුදුරුවො කවුද?“ ඇය ඇසුවාය.🤔

‘උන්වහන්සේ ලෝකයට පහළ වුනේ නැවත ඉපදීම කියන එකට විරුද්ධව සටන් කරන්න.
“පුබ්බෙචාහං එතරහිච දුක්ඛඤ්ච දුක්ඛනිරෝධඤ්ච පඤ්ඤපෙමි.“ කියලා උන්වහන්සේ කීප තැනකම කියෙනවානේ.
ඉස්සරත් දැනුත්, මම කරන්නේ දුකත් එහි නිරෝධයත් (නැතිකිරීම) පැහැදිලි කරන එක.
ඊට පසසේ තමයි අනික් ඔක්කම. ගෑනුන්ට විමුක්තිය ද පිරිමින්ට විමුක්තියද කියන එක අදාළ නැ. සාංසාරික දුක හැමෝටම පොදුයි. නැවත ඉපදීමක් පිළිගන්නා ඕනිම කෙනෙකුට මේ ධර්මය උන් වහනසේ දෙසුව. නැතුව ගෑනුන්ට විමුක්තිය දෙන්න හරි ඉන්දියන් සමාජය වෙනස් කරන එක හරි නෙවෙයි උන්වහන්සෙගේ duty එක. ඒක මේ මෝඩ - බුද්ධිමතුන් කවදා තේරුම් ගනීවිද මන්දා.“✅

“එහෙමයි...එතකොට උන්වහන්සේ නිවනට පාර පෙන්නුවා කියන තමයි නේද මුලට ගන්න ඕනි.“ ඇය කීවාය.

“අන්න හරි. ඒකට පස්සේ තමයි අනික් සුළු සුළු දේශනා ඔක්කම. සමාජයේ අවශ්‍යතාව හැටිය. මොකද බුදුන්හන්සේට ඕනි සමාජයේ පැවැත්ම නෙවෙයි. නැවැත්ම. ඒක හරි සංකීර්ණ කාරණයක්. බුදුන් මෙලොව ජනිත වෙන්නේ සමාජයේ යහපැවැත්මට නෙවෙයි. නැවත්මට. සසර ගමන නැවැත්වීමට. පැවැත්වීමට නෙවෙයි.“☺️

“එහෙමයි... ඒක තේරුණෙ අද“ ඇය කීවාය.

“නමුත් ගෑනුන්ව, ලමයි හදන්නයි උයන්නයි පාවිච්චි කරපු බ්‍රාහ්මණ යුගයේ, ගෑනුන්ටත් පිරිමින්ට සමානව බුද්ධිය තියෙනවා. රහත් වෙන්නත් පුළුවන් කියලා, ගැහැනු පිරිමි සමාන කරලා විශාල පෙරලියක් කරේ බුදුන් වහන්සේ. ඒක උන්වහන්සේගේ චරිත ලක්ෂණවලම තියෙනවා. ප්‍රජාපති රහත් මෙහෙණියට පසු ගමන් යාම හා යසෝදරා දේවියගේ දෙපතුල් ගාවට යාම, තුලින් කාන්තාව ගැන තිබ්බ ආකල්ප වෙනස් කරා.“ 😍

“මොකද, ඒ වෙනකොටත් තිබ්බ හින්දු ආගමේ හැටියට ගෑනුන්ට කිළි ප්‍රශ්න එහෙම දාලා ගැහැනුන්ව පහත් කරලා තිබ්බා. ඊට අවුරුදු 500 විතර පස්සේ ආපු කතෝලික ආගමෙත් “ජන්ම පාපය එන්නේ ගෑනියක් නිසා. පිරිමියාව වරදට පොළඹවා ගත්තේ කියන්නේ Eva කියන මුල්ම කාන්තාව. අදත් ඒවා වෙනස් වෙලා නෑනේ සංකල්ප. මුස්ලිම් ආගම ගැන අහන්න දෙයක් නෑනේ. ඒකේ හැටියට ගෑනු කියන්නේ පිරිමින්ගේ සැපපහසුවට තමයි මවලා තියෙන්නේ. අඩුම ගානේ අම්මාටවත් තැනක් නෑනේ, මුස්ලිම් සමාජයේ. ඉතිං මෙහෙම තිබෙද්දි වසර 2500ට කලින් බුදුන්වහන්සේගේ මේ උපදෙස් දීම හා චර්යාවෙන් පෙන්නපු දේවල් එක්ක මුළු ලෝකයේම ඉන්න කාන්තාවො බුදුන්වහන්සේට වැන්දට කමක් නැ. ලංකාවේ රැජිනියො 4ක් රට පාලනය කරලා තියෙනවා. අපට ගැහැනු පිරිමි බේදයක් නැ. ඉතිං බුදුදහම එහෙම පෙරලියක් කරේ ආසියාවේ. අදටත් ලෝකේ තියෙනවා ගෑනුන්ට ඡන්ද අයිතියවත් දෙන්නැති රටවල්. නේද?“✅🤐

“එහෙමයි...“ ඇය කීවාය. 🤐

“ඊළග හරි අපූරු විදිහකට මේක පටන් ගන්නේ බුදුන් වහන්සේ. අර හාමුදුරුවො කියන විදිහට. “තස්ස භවිස්සාම පුබ්බුට්ඨයිනියො.“ තමයි තියෙන්නේ. හැබැයි හාමුදුරුවො ව්‍යාකරණ නොබැලු නිසා ‘නැගිටපල්ලා“ කියන්නේ බොරුවක්. එහෙම එකක් නැ. 😅
තස්ස කීවේ ඔහුට. අර තාත්තලා හොයලා දෙන ස්වාමියාට. සමහරවිට කවදාවත් දැකපු නැති කෙනෙක්. එදා රෑට තමයි මිනිහා කවුද කියලාවත් දකින්නේ. පුබ්බුට්ඨයිනියො කියන්නේ ස්තීලිංග පදෙන්මයි. කලින් අවදිවන්නියක්. භවිස්සාම කීවේ- වන්නෙමු. කියලා.“☺️

“වන්නෙමු කියලා කියන්නේ කොහොමද හාමුදුරුවනේ...“ ඒක අනාගත කාල, උත්තම පුරුෂ බහුවචනනේ...🤔

“අන්න ඒක තමයි වැලිමඩ හිමියන් පාලි ව්‍යාකරණ නොබැලූ නිසා වැරදුනු තැන. දැන් මේ අවවාද දෙන background එක කොහොමද කියන්න.“

“රහතන් වහන්සේලා 3 දෙනයි, තථාගතයන් වහන්සේයි. දුවලා දෙන්නෙක් හෝ වැඩි ගණනක්, සිටු තාත්තායි.“ ඇය කිවාය.🙄

“හරි... දැන් මේ අවුරුදු 16ක වාගේ ගෑනු ලමයි ටිකක්, මෝරලා නැ එච්චර. ඒ නිසා තථාතගයන් වහන්සේ මේ පොඩි ඈයොන්ට කතා කරන්නේ බොහොම සමීප ලීලාවෙන්. “දුවේ අපි, ඒ සැමියට මුලින් අවදිවෙන කෙනෙක් වෙමු.- වාගේ අර්ථයකින් කියන්නේ. ඔක්කම එකතුවෙලා කරන දෙයක් විදිහට කියනවා මිසක්, අර හාමුදුරුවො කියන විදිහට ‘විධානයක් නෙවෙයි‘ යෝජනාවක්. ‘අවදිවන්නියක් වෙමු.‘

“නැඟිටපල්ලා නෙවෙයිද?“ ඇය ඇසුවාය.

“නෑ. තථාගත දේශනයෙහි කොහිවත් බල කිරීම් නෑනේ... අනික මේ පදයට තියෙන අටුවා අර්ථය බැලුවාම තේරෙනවා. මේ නැගිටලා කරන්න තියෙන්නේ කුස්සියේ වැඩ කරන්න නෙවෙයි, වැඩකාරකමට ඉන්න අයව ඒ ඒ වැඩවලට යොදවන්න කියලා කියන්නේ...“🤐

“ඉතිං එහෙම එකක් අර වැලිමඩ හාමුදුරුවො කියන්නෑනේ.“ ඇය කීවාය.

“ඒක තමයි අටුවා නොබලන එකේ ගැටලුව...
අපට ඕනි ඕනි හැටියට අර්ථකතනය කරන්න බැ“ අටුවා මිහිදුමහරහතන් වහන්සේ විසින් සම්පාදිත දෙයක්. තුන්වෙනි සංඝායනාවෙ ධර්ම සංවාද වලින්. ඉතිං මේ යන්නේ සිටු පවුලකට ඒ නිසා තේ හදන්න දෙයක් නැ. එහේ වැඩ කරන්න අය ඉන්නවා...
ඒ නිසා මේ කෙල්ලන්ට හොදට නිදාගන්න පුළුවන් එලි වෙනකල්, දැනුත් එහෙම වෙන්නැති. එත් බැන්දට පස්සෙ නැන්දම්මගේ ගෙදර ඒක හරියන්නෑ දුවේ කියලා තමයි කියන්නේ... තේරුණා ද?“🤔

“එහෙමයි... මේක අතීත ඉන්දීයාවේ ධනවත් පවුලකට දුන්නු පෞද්ගලික අවවාදයක් නේද හාමුදුරුවනේ..“ ඇය කීවාය.🙄

“ඒකනේ මම කීවේ, මේක පොදු සමාජයට කොච්චර ගලපන්න හැකිද කියලා බලන්න කියලා.“🤔

“නමුත් හාමුදුරුවො කියන ‘පච්ඡානිපතනියො කථාව හරි.“ කුස්සියේ වැඩ ඉවරද කියලා බලලා නිදාගන්න කියලා තමයි කියන්නේ. “

“එතකොට සැමියාගෙන් තේ බීලා නිරයේ උපදින කතාව.“ ඇය ඇසුවාය.😁

“එහෙම එකක් සුත්‍රයේවත් අටුවාවෙත් නම් නැ. හාමුදුරුවො ඒක කොහොන් හොයාගත්තාද මන්දා. ඉතිං තමන්ගේ හිතළු කියන්න හොද නෑ සුත්‍ර පෙරලාගෙන. එහෙනම් අර කාලීන බණ කියලා සමහරු කුණුහරුප කියන්නේ, ඒ විදිහට කිවා නම් හරි. එතකොට බුදු බණ නෙවෙයිනේ. ඒවා සඟ බණ.“😀

“එහෙමයි...“ ඇය සිනාසෙමින් කිවාය.😂

“කොහොම හරි පහුගිය දේශපාලන යුගයට ආදාළව එ හිමියන් නියෝජනය කරන මහමෙව්නාව පෙනී හිටි දේශපාලන පක්ෂයක් තිබ්බානේ. අන්න ඒකේ තරහා පිරිමහා ගත්තා ගොඩක් නිරාගමික මතවාදී කණ්ඩායම්.“ නමුත් උන්වහන්සේ දුස්සීල භික්ෂුවක් නෙවෙයි. ටිකක් පුරුෂොත්තමවාදි ගති ලක්ෂණ සහිත කෙනෙක්. ගොඩක් මෝඩ මිනිස්සු පව් පුරවා ගත්තා උන්වහන්සේට බැනලා. සමහරු කන්න නැතුව මහණ වෙච්ච අපචාරයට ලක්වෙච්චි ගණයො කියලාත් තිබ්බා. එහෙම කියලා තිබ්බේ ගැහැණියක් විසින්මයි. මුන්වහන්සේලා බොහෝ දුරට තරුණකාලේ පැවිදිවචේචි අවබෝධයක් සහිත අය. නැතුව කන්න නැතුව මහණවෙලා නෙවෙයි. විශාල පවක් සිද්ධකරගත්තා මුන් වහන්සේට බැනලා.“😥

“ඊළඟට 3 වෙනියට කියන ‘කිංකාර පටිවිස්සාවිනයො කියන එකෙත් තේරුම හරි. මොනවද කරන්න තියෙන්නේ කියලා හොයලා බලලා කරන්න කියන එක. හැබැයි වැලිමඩ හාමුදුරුවො කියන විදිහට ඇදුම් හෝදන්න නම් නැ. සේවකයන්ව මෙහෙය වන්න තමයි තියෙන්නේ. අටුවාව නම් කියන්නෙ, මොනවද දැන් කරන්න ඕනි කියලා, එක එක්කෙනාගේ මුණ බලලා තේරුම් ගත යුතුයි කියලා. ඇත්තටම ගැහැනු ඒකට දක්ෂයි මම හිතන්නේ. නමුත් මතක තියාගන්න ඕනි මේ ඔක්කම නාම පද අයති වෙන්නේ අර මුලින් කියපු “වන්නෙමු‘ කියන වචනයට. එතකොට මේවා නියෝග නෙවෙයි. කරොත් හොදයි කියන වර්ගයේ අවවාද.“✅

“එහෙමයි...“

“4 වෙනියට කියන මනාපචාරිනියො ඒකට ඒ හාමුදුරුවො කියන අදහස සුත්‍රයේ නැ. අටුවාවෙත් නැ. ‘ප්‍රියමනාප වඩවන ක්‍රියාකාරකම් කරන්න කියලා කියන්නේ අටුවාව. ස්වාමීයා මනාප විදිහට සිටිය යුතුයි කියලා අදහසක් එකේ ඇත්තෙම නැ. එතැන හාමුදුරුවො වැරදි. ඇත්තටම ස්වාමියා අකමැති විදිහට හැසිරීම, ගැන විතරක් නෙවෙයි, තමන්ට දොස් එන ඕනෑම හැසිරීමක්, මනාප නොවෙන හැසිරීමක්නේ. නමුත් අර ලස්සනට ඇදලා පැලඳලා ඉන්න ඕනි කතාව හරි. මේ දූලාගේ වැඩකටයුතු දැක්කාම ප්‍රියමනාප බවක් ඇතිවෙන්න ඕනි. - කියන අර්ථය තමයි නිවැරදි. එතකොට පෙනුම ගැන උනත් හරි. මොකද ඊළඟ 5 වෙනි කාරණාවත් ඕක එක්කමනේ යන්නේ...“ ✅

“ ප්‍රියවචන කතා කරන්න කීව ඒක ද?“ ඇය ඇසුවාය.

“ඔව් පියවාදිනියො- ප්‍රියවචන කතා කරන්නියක්. ඉතිං මේ දෙකම තමන්ගේ අගය වැඩි කරන දෙයක්නේ. ඉන්නේ අනුන්ගේ ගෙදරක. නැන්දම්මා - මාමණ්ඩිගාව. ඉතිං ප්‍රියමනාප විදිහට වචන කතාකරන එකත්, හැසිරෙන එකත් වැදගත්. එතකොට මේ ටික සැමියාට විය යුතුයි කියලා විතරක් නෙවෙයි, තමන්ගේ වටිනාකම වැඩි කරන දෙයක්. අනික ඉතිං බිරිඳ කොයි වෙලාවතේ ඇගට කඩාගෙන පනිනවා කියන්නේ, ඒ දෙන්නා අතර බැඳිම පලුදු වෙනවා කියන එකනේ.“ ✅

“ඉතිං මේ ටික කරමු නේද දුවේ කියන අර්ථයෙන් කියන්නේ... අවවාදයක්, ඕනි නම් පිළිගන්න පුළුවන්. නැත්තං නොකර ඉන්නත් පුළුවන්.“

“ඇත්තටම ඒ හිමියො කියන විදිහ, ඒ කාලේ අදින්න පලදින්න වැඩ කරන්න වුනේ ස්වාමියාට අනුව තමයි. සහ මාමණ්ඩිට අනුව. ලැබෙන ස්වාමියා අනුව ඒ දැරිවිට විදින්න වෙන ජීවිතේ වෙනස්. හොද කෙනෙක් ලැබුනොත් හොදයි. නැත්තං දාසියක් තමයි. කරන්න දෙයක් නැ ඉතිං. මොකද ඒක තමයි ඒ කාලේ ඉන්දියාවේ හැටි. අනික මේ බැදලා යන්නේ තවත් බ්‍රාහ්මණ වාදී පවුලකටනේ. බෞද්ධ ශ්‍රාවකයන් ම කියලා එකක් නෑනේ. “ ✅

“වැලිමඩ හාමුදුරුවො කියන්නේ ස්වාමියාට ඕනි විදිහට ඉදාල නිම්මාණ රතී දිව්‍යලෝකේ යන කථාවක්.“ 😂

එහෙම එකක් නැ සුත්‍රයේ... ඒක වැරදි කථාවක්. යහපත් චර්යාවක් ගත කරන බිරින්දෑවරුන් නිම්මාණ රතියට යනවා කියලා තියෙන්නේ. ඒ කාමමිත්‍යාචාරය වාගේ එව්වා නොකර, නැන්දම්මා - මාමණ්ඩි වාගේ වැඩිහිටියන්ට සත්කාර කරමින්, සිල්වත්ව ගත කරපු නිසා මිසක්, මිනිහට සලකපු නිසා නෙවෙයි. මිනිහාවත් ගණිකා ආදීන්ගෙන්, බේබද්දන්ගෙන් බේරාගනිම්න් කටයුතු කරපු නිසා මිනිහාටත් යහමග පෙන්වන කෙනෙක් නිසා, මිසක, මිනිහාට වහල් කම් කිරීම නිසා නෙවෙයි. ඉතිං හරිනේ, සීලවන්තව ඉන්නවා කියන එක අමාරු වැඩක්නේ. මිනිහාගෙන් නොයෙකුත් දුෂ්ටකම් වෙද්දි, මිනිහා අනාචාරයේ යද්දි තමන් සිල්වත්ව ඉන්නවා කියන එක කොච්චර අමාරුද? අද කාලේ මිනිහත් එක්ක හරි හරියට බොන ගෑනුනේ ඉන්නේ. ඉතිං එව්වාගෙන් වලක්වාගෙන සිටින දිව්‍යලෝකේ යනවා මිසක්, මිනිහාට වහල්කම් කරලා යනවා නෙවෙයි. “😅

“එහෙනම් වැලිමඩ හාමුදුරුවො තමයි වරද්දාගෙන තියෙන්නේ...“ ඇය කිවාය.🙄

“ඔව්, ඒ හිමියො පිරිමින් සුද්ධ කරමින් ගැහැනුන්ට වරද පටවන බවක් තියෙනවා... අනික ඉතිරි කරුණු 20 කියලා ඔය දිව්‍යලෝක කථාව සුත්‍රයේ තියෙන්නේ. නැතුව ඔය ටික විතරක් කරාට නෙවෙයි. ඒ කියන්නේ මිනිහාට වහල් වෙලා හිටියාට නෙවෙයි.“ ඉතිං ඔව්වා, ඒක ඒකාලේ ඉන්දීය සමාජයට ගැලපෙන්න කියපු දෙයක් මිස, අදට කොහොමද යොදාගන්නේ කීවේ නෑනේ... 😀

“එතකොට ඉතිරි කරුණු 20.“ ඇය ඇසුවාය.🙄

“ඇත්තටම මේ කරුණ ටික හරිම නවීනයි...
වැලිමඩ හාමුදුරුවො ඒ ටික කිවාද දන්නේ නැ. හැබැයි ප්‍රසිද්ධ වෙච්චි video වේ ඒ ටික නෑ. ප්‍රසිද්ධ වුනේ තේ හදන කතාව නිසානේ, ඒ සිටුපවුලේ නම් සැමියා තේ හදන්න නැතුව ඇති. එහෙත් මේ වර්තමානයේ වැඩ කාරයන් තියෙගෙන ඉන්නේ කීයෙන් කී දෙනා ද? අපි ගොඩක් ඉන්නේ දුප්පත් පවුල්නේ. ඉතිං සැමියාගෙ සහයෝගය අනිවාර්යෙන්ම තියෙන්න ඕනි කුස්සියේ වැඩට. විශේෂයෙන් බිරිඳ රැකියාවක් කරන කෙනෙක් නම්“
“ඇත්තටම ගැහැණියට වාසි කරුණු ටික එන්නේ ඉස්සරහාට. මෙයාලා සිටුකුමාරියො ඒ නිසා මෙ දැරියන්ට වෙනවා business කරන්න. ඒ business ටික තමන්ගේ අතට ගන්නා හැටි හරි ලස්සනට කියලා දිලා තියෙනවා. මුදල් පාලනය තමන්ගේ අතට ගන්නා විදිහ.☺️

“අපූරුයිනේ හාමුදුරුවනේ... මොනවද ඒ කරුණු...“🤔

“හුඟක් වෙලා කතා කරානේ... දැන් වෙලාවක් නැ ඒ ටික කියන්න. ඉතිරි ටික මම හෙට කියන්නම්.“

“එහෙමයි අවසරයි, සමාවෙන්න කරදරකාරට... තෙරුවන් සරණයි.“

“තෙරුවන් සරණයි අක්කා.

🙏🙏🙏
(මතුසම්බන්ධයි)

මුලාවූ අයට කියවීමට ශෙයාර් කරන්න.

2020. 02. 19
------------------------
🌹🌹🌹
(හෙරලි.)

තෙරුවන් සරණයි.🙏
Rathanathissa Thero.

hRathanathissa Thero
කලින් ලිපිය. 👇
https://www.facebook.com/permalink.php?story_fbid=211043516938290&id=117046089671367&__tn__=K-R

34. මිත්‍රත්වය ලිපිය.
👇
https://www.facebook.com/permalink.php?story_fbid=188479449194697&id=117046089671367&__tn__=K-R