35. 🔴සද්ධාසීල හිමියන්ට පිළිතුරු. 🔴
========================
“අපේ හාමුදුරුවො, මම එවපු video එකේ යන ධර්මදේශනාව ඇහුවාද?“ මාගේ ලිපි නිතර කියවන්නියක විසින් මගෙන් පැනයක් ඇසුවාය.🤔

“ඒක තමයි දැන් අහලා ඉවර වුනේ... මේ දවස්වල ප්‍රසිද්ධ “තේ කොප්පයෙන් අපායට යන; කථාව තියෙන්නේ ඒකේ නේද?...“ මා ද සිනාමුසුව පිළිතුරු දුන්නෙමි.😁

“හාමුදුරුවනේ, අපේ නැන්දම්මත් මාත් එක්ක වෛර බැඳගෙන ඉන්නේ...
මොකද, මගේ මහත්තයත් මට තේ හදලා දෙනවා...
ඒක එයා කැමැත්තෙන් කරන දෙයක්...
ඒත් අපේ නැන්දම්මා බනින්නේ, පිරිමි ගෙවල්වල වැඩ කරාම මූසලයි කියලා...
ඉතිං ඒකට මම මොනව කරන්නද, එයා කැමැත්තෙන් කරන්නේ... මේ වාගේ දේශනාවන් ඇහුවා නම් අපේ නැන්දම්මා, එයා තවත් පරළ වෙයි.“ යනුවෙන් ඈ කීවාය.🙄

“ඒ දේශනාව කරන විදිහයි වැරදි. පිහිය තියෙන්නේ පාන් කපන්න. ඕනි නම් බෙල්ල කපන්නත් පුළුවන්... දේශනාව කරන හාමුදුරුවො සූත්‍රය පාවිච්චි කරන්නේ බෙල්ල කපන්න. පාන් කපන්න නෙවෙයි.“ මා කීවෙමි.

“ ඒ කිව්වේ හාමුදුරුවනේ...“ 🤔

“එතැන තේ කොප්පේ කථාව අල්ලාගත්තොත් නම් ඉතිං වරදක්... සම්පූර්ණ දේශනාව ඔය බනින අය 90%වත් දේශනය අහලා නෙවෙයි බනින්නේ... හරි අපි මුල ඉදන් පැහැදිලි කරගමුකො...“🙄

“එහෙමයි...“☺️

“ඒ හාමුදුරුවො බණ කියන ඔය සූත්‍රයේ නම උග්ගහ සූත්‍රය. තියෙන්නේ, අංගුත්තර නිකායේ පඤ්චක නිපාතයේ, සුමන වර්ගයේ. ඇත්තටම ඕක ටිකක් යල්පැන ගිය අදහස් සහිත සූත්‍රයක්. ඒ නිසා තමයි ඕක, නකුල මාතාපිතා, සිඟාලෝවාද වාගේ ජනප්‍රිය නැත්තේ.“✅

“යල්පැන ගියපු කීවේ හාමුදුරුවනේ...?“

“ඒක අපි සූත්‍රය ආරම්භයෙන්ම බලමු... සූත්‍රය පටන් ගන්නේ උග්ගහ කියන සිටුවරයා, (මෙණ්ඩක සිටුවරයාගේ මුණබුරා) බුදුන්වහන්සේට දානයට කරන ආරාධනාවක්, ඒ කරණ ආරාධනාවම විශේෂයි. ආරාධනාව කරන්නේ ඔබවහන්සේ ඇතුළුව 4 නමක් වඩින්න කියලා.“ 🙂

“ඇයි ඒ 4 නමක්- එහෙටත් නැතුව මෙහෙටත් නැතුව ගාණක්නේ ඒක“ ඇය ඇසුවාය.🤔

“අන්න ඒකට උත්තරය තියෙන්නේ අටුවාවේ... අටුවාව කියන්නේ... පියා මෙහෙම 4 නමකට ආරාධනා කරන්නේ ගොඩ දෙනෙක් හිටියොත් දුවලට ලැජ්ජාවක් වෙන නිසා මේ අවවාද දීම. ඒක හරිනේ මේ අවවාද දීම ගොඩ දෙනෙක් ඉස්සරහා කරන්න බෑනේ...
නමුත් අටුවාට තේරිච්ච දේ වැලිමඩ හාමුදුරුවන්ට තේරුණේ නෑ. ඒ නිසා ඔක්කම ඉස්සරහා මේ ටික කියන්න ගිහින් ඇනගත්තා කියලා තමයි මට හිතෙන්නේ...“🙂

“ෂහ් අටුවාව හරි දියුණුයිනේ...
ගොඩක් දෙනෙක් ඉස්සරහා අවවාද දෙන එක හොද නෑ කියන්නත් දන්නවා... විශේෂයෙන් ලමයින්ට. ඉතිං හාමුදුරුවනේ...“ ඈ කීවාය.😮

“ඉතිං බුදුන් වහන්සේ දහවල දානයට වඩිනවා... දානය වලඳලා ඉවර වුනාම තමයි පියා (උග්ගහ සිටුවරයා) අදාළ කාරණාව බුදුන් වහන්සේට මතක් කරන්නේ. “ස්වාමීනී, මේ ඉන්නේ මගේ දූලා ටික. මේ ටික හෙට අනිද්දා දීග දෙන්නයි හිතාගෙන ඉන්නේ. මේ දුවලාට බොහෝ කාලායක් හිතසුව පිණිස පවතින්න අවවාදයක් දෙන්න ස්වාමීනී“... කියලයි ඉල්ලන්නේ.“🙂

“එක දුවක් නෙවෙයි ද?... ඇය ඇසුවේය. 😮

“නැහැ. ‘කුමාරියො“ කියලා තියෙන්නේ... කුමාරී කියන පදයේ තේරුම දැරිය කියන එක. ‘කුමාරියො‘ කියන්නේ බහුවචනය.
තාත්තා සිටුවරයා නිසා. සිටු දියණියන්, කුමාරිකාවන් කියලා ගත්තෑකි. එක දියණියට වඩා ඉදලා තියෙනවා එතැන. ඒ වාගේම වැලිමඩ හාමුදුරුවො වැරද්දක් කරනවා මෙතැන.“🙂

“පළවෙනි එක, මේ අවවාද දීම කරන්නේ... බුද්ධකාලයේ හිටපු දැරියන්ට නේද කියලා අමතක කරන එක. අනික මේ බහුවචනයෙන් කරන පොදු ආමන්ත්‍රණයක්. නමුත් එක පවුලක අයට. විශේෂයෙන් ධනවත් සිටුපවුලක ගෑනු ලමයින්ට.“

“මොකද්ද හාමුදුරුවනේ බුද්ධකාලයේ වෙනස....“ ඇය ඇසුවාය...😮

“ඊට කලින් කියන්න ඕනි... මේ අවවාද දීම කරන්නේ ධනවත් පවුලක අවුරුදු 16වාගේ ගෑනු ලමයින් දෙන්නෙකුට හෝ වැඩි ගණනකට...
මොකද පැරණි ඉන්දියාවේ 16න් පස්සේ කසාඳ බන්දනවා. ඒ වාගේම තාත්තා මෙච්චර මේ බුදුන් වහන්සේ වඩම්මලා අවවාද කරන්නේ මේ ඉතා හුරතලේට හැදිච්ච දැරියන් වන්නට ඕනි. විශේෂයෙන් තාත්තාගේ හුරතලේට... එතකොට ඔයා දන්නවානේ ධනවත් පවුලක් හුරතලේට හැදුනු ගෑනුලමයින්ගේ තරම... ඉතිං තාත්තට බයක් ඇති මේ දැරියන් ගිහින් කොහොම ඉදීවි ද කියලා“🤐

අනික මේ බුද්ධකාලේ කියන්නේ... ගැහැනු රස්සා කරපු යුගයක් නෙවෙයි. ගැහැනු ලමයි ඉපදීමත් කරුමයක් විදිහට හිතපු යුගයක්... ගැහැනු අකුරු ඉගෙන ගත්තු යුගයකුත් නෙවෙයි. අඩුකුලේ ගැහැනු අය නම් උඩට ඇන්දෙත් නැති යුගයක්... ගැහැනු ඉපදිලා ඉන්නේ ලමයි හදන්නයි, කෑම උයන්නයි කියලා විතරක් හිතපු යුගයක්... බුද්ධකාලේ ඉගෙන ගත්තේ පිිරිමි ලමයි විතරයි... බ්‍රාහ්මණ යුගයනේ... දන්නවා ඇතිනේ බමුණො ගැහැනු ගැන කොහොම ශ්ලෝකද ලියලා තියෙන්නේ කියලා... මුහුදේ මාළුන්ගේ අඩිපාරවල් තියෙනවා කියලා පිළිගත්තත් ගැහැනුන්ගේ වචන විශ්වාස කරන්න එපා කියලා ශ්ලෝක ලියෙවෙච්ච යුගය...“🤐

“ඉතිං අර වැලිමඩ හාමුදුරුවො ආදාල පරිසරය විස්තර නොකර මේ දේවල් ටික කීවාට හරියන්නැ. ඒ කාලේ ගැහැනු තමන්ගේ ස්වාමියා එනකොට නැගිටිනවා. ස්වාමියට ගමනක් යද්දි වදිනවා. අදත් මගුල් ගෙවල් වල පිරිමියාට බුලත් දීලා වදිනවා නේද පෝරුවේදී. දැන් කාලේ ගෑනු පිිරිමන්ගේ කරේ නැගලා ෆෙටො ගත්තට, අත් අල්ලන් ගියාට, ඒ කාලේ බිරිඳ කියන්නේ දාසියක් තමයි. කොසොල් රජතුමා බුදුන් වහන්සේ ගාවට අඩාගෙන ආවේ... අනේ මගේ දේවිය ගැහැණු දැරිවියක් උපද්දලා කියලා...“

“එහෙමද හාමුදුරුවනේ එච්චර ද දරුණු ද ඒ කාලේ...“ ඇය ඇසුවාය...😁

“ඒකනේ... ස්ත්‍රියක්, වේද ග්‍රන්ථ ශ්‍රවණය කරොත් කන් වලට ලෝකඩ වක්කකරපු යුගයක් ඒක. ඒ බ්‍රාහ්මණ යුගය ගැන මෙලො දෙයක් නොදැන මේ වැලිමඩ හිමියන්ට බැනලා වැඩක් නැ. වැලිමඩ හාමුදුරුවොත් එව්වා ගැන නොකියා මේ සමාජයට දැන් ඕක කීවාට වැඩකුත් නැ...
ඉතිං අන්න ඒ සමාජයේ මේ දරුවො බැදලා යන්න ඕනි කොහාට ද?😅

“මාමණ්ඩිලා ගෙදරටනේ... “ ඇය කීවාය.😮

“ඔව්... එවාගේම මේ මොන විවාහ ද? මම අහන්නේ love marriage ද proposal marriage ද?“

“දන්නෑ හාමුදුරුවනේ...“ 😮

“මේ අනිවාර්යෙන්ම proposal marriage නේ. මොකද සිටුකුලයට ගැලපෙන කෙනෙක් බදලා බන්දලා දෙනවා මිසක්, ආදර විවාහ නෙවෙයි මේ. “

“ඔහ්... එහෙනම් ප්‍රශ්න කෝටියයි...“😮

“අන්න හරි... කිසිදා නොදන්නා මිනිහෙක්. කිසිදා නොදන්නා පවුලක්. වෙනම පදිංචි වීමක් නෑ මේ කාලේ. honeymoon කියලා ජාතියක් ගියෙත් නැ.
ඔක්කම නැන්දම්මලා මහ ගෙදර. අදත් ඉන්දීය චිත්‍රපටිවල මේ දේවල් පෙන්වනවානේ. ඉතිං බුදුන් වහන්සේ මේ දරුවන්ට කරන්නේ ඒ කාලේට උචිත දේශනාවක්...

“ඉතිං දැන් නැන්දම්මාගේ ගෙදර ගියාම, පස්සාපැත්තට එලිය වැටෙනකම් නිදාගන්න ද කියන්නේ... නෑනේ කලින් නැගිටින්න වෙනවා... ඔක්කටම කලින් ඇදට පනින්න පුළුවන් ද ?“

“බෑනේ හාමුදුරුවනේ... නැන්දම්මා මරාගෙන කයි එතකොට... “ ඇය කීවාය.

“අන්න හරි... මේ කාලේ ප්‍රබල නැන්දම්මාට වඩා මාමණ්ඩි.“ එතකොට තමන්ගේ දුවවත් වටින්නැති යුගයක ලේලිලා ගැන කුමන කථා ද? අනික මේ යුගය එක ස්වාමියාට, බිරින්දෑවරු කීපයක් හිටිය යුගය... එතකොට තව කොච්චර ගැටලුද කියන්නකො... ඒක ගැහැණියක් හොද නැත්තං, දරුවො නැත්තං ස්වාමියාගේ තනි කැමැත්තට තවත් ගැහැණියක් ගන්නවා...“

“අපොයි... ගෑනු වහල්කමටනේ දාලා තියෙන්නේ...“ ඇය කීවාය...😥

“අන්න ඒ ටික නොදැන දේශනයට බැනලා හරියන්නැ. නැන්දම්මලා ගෙදර ගිහින් ගුටි නොකා ඉන්න අවශ්‍ය දේවල් ටික තමයි මේකේ කියලා තියෙන්නේ... “ නමුත් හරි අපූරු දේ තමයි මේ පැරණි ඉන්දීය සංකල්ප වල උනත් හරි අපූරු අලුත් දේවල් ටිකක් කියලා තියෙනවා. දැන් වෙලාව නෑ මම හෙට call එකක් දෙන්නම්...

“එහෙමයි...“🙏

“ඒ වාගේම... මිනිහා හදන තේ එකක් බීවාම, ගෑහැනිය අපායේ යනවා කියන එක නම් හද්දා මෝඩ කථාවක් එහෙම දෙයක් සුත්‍රයේ නම් නැ...
ප්‍රේම කරලා විවාහ වෙන අයගේ චර්යාවන් වෙනයිනෙ. ඉතිං මේ පැරණි ඉන්දියාවේ යෝජිත විවාහ. ඒ කාලේ නම් කිසිම පිරිමියෙක්, ගෑනියෙක්ට තේ එකක් හදලා දෙන්න නැතුව ඇති. විශේෂයෙන් සිටු පැලැන්තිය.“

“ඉතිං ඔය තේ හදන මෝඩ කථාව අදට කිසිසේත් ගැලපෙන්නෑ. සූත්‍රයේ එහෙම කරුණක් ඇත්තෙත් නැ...“

“මම සුත්‍රයේ එන ඒ අපූරු කරුණු ටික හෙට කියලා දෙන්නම්. ඒ හාමුදුරුවන්ගේ බණෙ තියෙන්නේ කරුණු 5ක් ගැනවිතරයි. නමුත් ඔතන කරුණු 25ක් තියෙනවා. එව්වා හරි අපූරු කරනු...“

“එහෙමයි. අවසරයි හාමුදුරුවනේ... ඉතිරි කරුණු ටිකත් දැනගන්න බලාගෙන් ඉන්නවා... තෙරුවන් සරණයි“ ඇය කීවාය.🙏

“තෙරුවන් සරණයි අක්කා.“
🙏🙏🙏
2020.02.18
=========